Maskinelt utlese med KI frå Austrheim sine offentlege møteprotokollar.
Dette er eit uttrekk under utprøving, ikkje ein protokoll: det inneheld
feil, og tal må kontrollerast mot kjelda før dei blir brukte.
Kor sikre tala er
PS 121/24 Budsjett 2025 og økonomiplan 2025-2028-vedtak
Trygghetsalarm: Gratis for de med inntekt under 2G(ingen egenandel).
Amalgamskader: Det settes av kr 25 000 årlig i økonomiplanen. For hver dokumentert behandling dekkes inntil kr 1000 for de med inntekt under 2G.
Inndekning: Godtgjørelsen til ordfører fryses på dagens godtgjørelse. Varaordfører frikjøpes for 12% av ordførerens godtgjørelse. Møtegodtgjørelsene fryses på dagens satser.
Partitala i denne røystinga står ikkje slik i protokollen — dei er utleidde
av teksten. Kontroller mot protokollen før du brukar dei.
Opne protokollen (PDF)
2 (Ingeborg Hordvik (SL) og Tore Svendsen (SL)) røysta for framlegget og 15 røysta mot framlegget.
Framlegg 2
vedtekeAp, H og INP, og Sp
Vis heile framlegget
Utdanningsforbundet har ein del forslag som kommuneleiinga bør vurdera. Me trur at desse vil vera med på å skapa ein betre skule og eit betre skule- og barnehagemiljø og ber derfor kommunedirektøren vurdera å gjennomføra desse i økonomiplanperioden.
Utdanningsforbundet peikar på at det manglar einebustadar i Fonnes/Kaland-området. Austrheim kommune har eit stort tomteområde i Kalandsfeltet som nesten er byggjeklart. Deler av dette bør kommunen selja svært rimeleg til folk som ønskjer å etablera seg i området og dermed stimulera til at det vert bygd fleire einebustadar i denne delen av kommunen.
FAU Årås har også gode forslag som det bør vera rom for å gjennomføra i økonomiplanperioden. Igjen er det tiltak som vil betra skulemiljøet, noko som vil vera heilt i tråd med det arbeidet som kommunestyret har prioritert innan oppvekstsektoren dei siste periodane
Det har kome inn eit konkret forslag om oppgradering av ein kommunal veg. Me føler oss ikkje i stand til å peika på kva kommunale vegar som bør prioriterast først, men ber om at kommunedirektøren kjem tilbake til kommunestyret når første tertialrapport for 2025 vert lagt fram, med ein tilstandsrapport for dei kommunale vegane og fortaua og eit forslag til ein vedlikehaldsplan for desse i økonomiplanperioden. Planen må basera seg på at dekkelegging skal gjerast i sommarhalvåret.
Me støttar kommunedirektøren sine justeringar av dei kommunale gebyra. Tannhelse er ei fylkeskommunal oppgåve og me meiner at kommunen ikkje skal ta på seg slike ikkje lovpålagte oppgåver no. Det vert også feil å endra kompensasjonsordningane midt i ein kommunestyreperiode for å finansiera eit slikt tiltak.
Idrettsparken må rehabiliterast dei næraste åra. Mellom anna så må banedekket på fotballbana skiftast innan fem år. Me ber derfor om at det vert sett av ein million kroner på eit øyremerka fond kvart år i økonomiplanperioden, slik at kommunen har midlar til å rehabilitera idrettsparken når tida er moden.
Det er eit sterkt ønskje om ein universell turveg i området ved idrettsparken. Denne må også ha veglys. Anleggslinja ved Austrheim vidaregåande skule kan byggja store deler av denne dersom kommunen stiller med det som skal til av materiell. Me ber om at kommunedirektøren går i dialog med leiinga ved AVS med tanke på å få realisert dette prosjektet dei neste åra.
Me støttar RMRF sitt forslag om å gje «løn» til brukarane av arbeidssenteret slik det vart praktisert for nokre år sidan, og ønskjer i tillegg å spandera på brukarane ein årleg «Blåtur» slik dei tilsette på Aufera får.
Me støttar også RMRF sitt forslag om betre vedlikehald av gangvegen mellom idrettsparken og Vikane.
Me ber om at kommunedirektøren går i dialog med Skyss, Pensjonistforbundet og Ungdomsrådet med tanke på å få til skyssordningar for eldre og unge på linje med det som vert prøvd ut i Masfjorden. For dei eldre vil det vera snakk om ei bestillingsløysing som skal gje skyss til legekontor, fysioterapeut, lokale butikkar og seniorsenteret. For dei unge vil det vera faste ruter til og frå ungdomsklubben og andre liknande fritidstilbod i kommunen.Ei ferdig utgreidd sak med eit overslag over dei kommunale kostnadane med tilboda, skal leggjast fram for kommunestyret når andre tertialrapport for 2025 skal behandlast i kommunestyret.
Kommunedirektøren set i gang planarbeidet med å innføra skulemat i grunnskulen frå skuleåret 2026/27. Det er Stortinget sin intensjon at det skal vera vanleg brødmat med sundt pålegg og mjølk.
Sp ynskjer at 1. og 2. klasse på Årås skule skal få symjeopplæring. Dette vil koste ca. 150 000,- i året i skyssutgifter og vert dekka innafor dei rammene som er gitt i budsjettet.
Utfall: vedteke · Presisjon: samroystes
Ingen partifordeling registrert — sjå råteksten under.