Saksgangen for arkivsak 24/2260

• I barnehagebruksplanen vart det vedteke ein barnehagestruktur som det i ettertid ikkje har vorte noko av. Det vart vedteke at ein ny barnehage skulle byggjast på Rundhovde, at barnehagen på Hauge ikkje skulle utvidast, og at barnehagen på Valestrand skulle haldast open til ein ny barnehage er bygd på Rundhovde. Sidan dette vart vedteke har situasjonen endra seg ein del. Dei private som skulle byggja barnehage har stadfesta at dei ikkje kjem til å byggja, og me ser at eit fleirtal av søkjarar på Hauge barnehage ikkje får førstevalet sitt på grunn av manglande plass. Kommuneøkonomien har også vorte stadig meir vanskeleg, og eg trur ikkje heradstyret kan unna seg å gi slepp på dei 1.3 millionane i forventa innsparing forslaget til barnehagebruksplanen la opp til i 2022. Me vil derfor be om ein ny analyse og utgreiing frå administrasjonen for å kartleggja behovet til kommunen så me kan ta avgjerder på eit godt kunnskapsgrunnlag.
• Administrasjonen skal greia ut og analysera dei ulike forholda som speler inn rundt ein optimal barnehagestruktur på Osterøy for å kunna sikra ein barnehagestruktur som samsvarer med behovet til kommunen og kommuneøkonomien. Heradstyret blir informert om funn som kan vera nyttige for barnehagestrukturen i kommunen.

Til neste møte legg administrasjonen fram oversikt over kva tiltak det vert arbeid med – og kva effektar det vil gje på årsresultat 2024. Administrasjonen skisserer også mogelege omprioriteringar som kan gje reduksjon i aktivitetsnivået for å oppnå framtidig budsjettbalanse.