Saksgangen for arkivsak 24/2546

• Saka vert utsett.
• Før saka vert lagt fram for heradstyret på nytt skal Komnunedirektøren utarbeide eiga sak om økonomien i prosjektet. Saka må gi eit detaljert bilete av:
• - korleis investeringa vil påverke drifta under byggeprosessen og fram til full kompensasjon er utbetalt.
• - etter at bygget er teke i bruk.
• - dersom berre eit av byggetrinna vert gjennomført
• Det må og opplysast om kva det vil koste å leige leilighet i bygget pr mnd.
• Saka skal leggast fram for heradstyret i god tid før budsjett og økonomiplan for 2026 skal behandlast.
• Denne saka er den største invedteringa som Osterøy kommune nokonsinne har gjort, og lånesummen er større enn all anna gjeld som kommunen har tilsammen. Størrelsen på investeringa er i seg sjølve så stor at Osterøy kommune ikkje har økonomiske musklar til å handtere denne gjelda sjølv drrsom noko llite og uforutsett skulle skje som til dømes at det går lenger tid før me får kompensasjonen. Sidan kommunekassen er tom og me lever på krita, vil me då måtte låne pengar for å betale renter? Eller skal me kutte i drifta i andre tenester medan me ventar?
• Kor stor er usikkerhetsfaktoren mtp finansiering, sluttsum?

• Grunngjeving:
• Det er ikkje planlagt investeringar i økonomiplanen av den storleiken kommunedirektøren ber om i prosjektet, og heradsstyret har på det noværande tidspunktet ikkje oversyn over om Osterøy kommune har økonomisk handleevne til å gå i gang med ei så omfattande og kostnadskrevjande utbygging. Dette kan bli betre opplyst når heradsstyret handsamar årsbudsjett for 2026 økonomiplan for 2026-2030.
• I den samanhengen kan heradsstyret også lettare vurdere den finansielle risikoen i prosjektet opp mot dei finansielle måltala heradsstyret har vedtatt for økonomi- og finansforvaltninga til kommunen.
• For det tilfellet det syner seg at ei investering i den storleiken som kommunedirektøren no legg opp til for første byggesteg gjev for stor finansiell risiko, er det føremålstenleg at andre alternativ enn null-alternativet og kommunedirektøren sitt framlegg på 88 omsorgsleiligheter pluss velværesenter, kafe, butikk m.m er.
• Eit alternativ som kommunedirektøren skal utgreie, er eit første byggesteg for Omsorg pluss beståande av ombygging av dagens fløy på Osterøytunet med 16 omsorgsleiligheter (bufellesskapet) til ny sjukeheimsavdeling beståande av rom med bad og naudsynte fellesareal (fellesstove, tekjøkken, vaktrom etc) og pluss nybygg med 16 nye omsorgsleiligheter på tomten som er kjøpt inn til Omsorg pluss.
• Dei pasientane som er tiltenkt plass i det nye Omsorg Pluss er, etter det som er opplyst av kommunedirektøren, pasientar som treng meir enn fem besøk av heimesjukepleie per døgn og også tilsyn på natt.
• Mange av desse pasientane vil være så hjelpetrengande at det er lettare og meir effektivt å gje dei god omsorg på eit tilrettelagt sjukeheimsrom enn i ein omsorgsbustad.
• Behovet for nye sjukeheimsrom vil dermed auke utover dei som er tilgjengeleg på Osterøytunet per i dag.
• Samstundes treng kommunen også fleire omsorgsbustader (bufellesskap) enn dei 16 på Osterøytunet og dei 15 på Haugatun som er tilgjengeleg per i dag.
• 16 nyeomsorgsleiligheter vil truleg raskt verte for lite.
• Kommunedirektøren står fritt til også å utgreie kostnadane med å bygge fleire enn 16 i første byggesteg, eksempelvis 25.
• Alternativt eller i tillegg kan kommunedirektøren vurderer å utgreie og møte deler av det aukande behovet for omsorgsleiligheter med å forlenge leigeavtalen med Hauge Helselag som går ut om to år, medrekna å spørje helselaget om å bygge 6-7 nye omsorgsleiligheter, med eit lite vaktrom for heimesjukepleie, som kommunen kan leige i tillegg til dei 15 kommunen leiger på Haugatun i dag.
• Det er plass til ei ny husrekkje på Haugatun og tomten er allereie regulert til føremålet.
• Punkter1.
• Sak 41/25 Omsorg pluss – utarbeiding og utlysing av konkurranse
• 1. Vedtak i sak om detaljplanlegging, utarbeiding av konkurransegrunnlag og gjennomføring av pris- og designkonkurranse for første byggesteg for Omsorg Pluss vert utsett til det heradsstyremøtet der årsbudsjett og økonomiplan skal handsamast.
• 2. Før saka vert lagt fram for heradsstyret på nytt, skal kommunedirektøren utarbeide ein finansieringsplan som syner korleis kommunen skal verte i stand til å innfri betalingsforpliktingane og driftskostnadane som prosjektet vil medføre i
• 2.
• a. byggelånsperioden (der vi må forskuttere momskompensasjon og kompensasjon frå Husbanken)
• b. etter at bygget er overlevert. For begge alternativ skal det gjerast greie for kor store nedskjeringar kommunen må pårekne å gjennomføre i andre sektorar for å finansiere prosjektet.
• 3. Kommunedirektøren skal også vurdere mindre omfattande og kostnadsskrevjande alternativ for første byggetrinn. Eit av alternativa som skal vurderast er eit første byggetrinn beståande av
• 3.
• a. 16 omsorg pluss leiligheter (utan fellesareal til kontor til heimesjukepleie, butikk, kafeteria, velværesenter, livsynsnøytralt seremonirom m.m) og
• Ombygging av fløyen på Osterøytunet som i dag har 16 omsorgsleiligheter til sjukeheimsavdeling med pasientrom med bad. Om lag halvparten av romma skal byggjast slik at det er plass til at to pasientar, til dømes ektepar, kan dele sjukeheimsrom.

Kommunedirektøren får fullmakt til å gå vidare med detaljplanlegging, utarbeiding av konkurransegrunnlag og gjennomføring av pris- og designkonkurranse for eit prosjekt med ombygging av bufelleskapet på Osterøytunet til ny sjukeheimsavdeling og bygging av 24 omsorg pluss leiligheter på ny tomt. Kommunedirektøren kjem attende med ny sak før det vert inngått avtale om samspelfase.

• Kommunedirektøren får ikkje fullmakt til å gå vidare med samspelsfase med Skanska Norge AS.
• Kommunedirektøren skal kome attende med ei ny sak for heradsstyret om bygging av mellom 16 og 24 nye omsorgsbustader (eitt- eller toroms) med fellesareal og personalbase på ein høveleg tomt, til dømes på Rød-tomten ved sidan av den nye butikken som kjem på Hauge eller på Haugatun, om Hauge helselag vil bygge ut og leige ut til kommunen. Kommunedirektøren skal forsøke å unngå tomteval som vil føre til fordyrande infrastrukturtiltak/rekkefylgjekrav.
• Kommunedirektøren skal også utgreie ombygging av Hauge Bufellesskap til ny demensavdeling/sjukeheimsrom for demente, noko som vil innebere at dei 16 som bur der i dag må flytte til dei nye omsorgsbustadane i ombyggingsperioden.
• Kommunedirektøren skal i tillegg utgreie om storstova på Osterøytunet, som er lite i bruk, kan byggast om til nytt dagsenter til erstatning for Haldorvika.
• Nytt legesenter, ny base for heimetenestene, kafe og livssynsnøytralt seremonirom vert skrinlagt.
• Grunngjeving:
• Osterøy kommune har ikkje økonomi til å bygge eit nytt helsebygg til 928 millionar. Vi må løyse behovet for nye heildøgnsplassar meir stegvis og gjennom prosjekt som enkeltvis vil ha mindre økonomisk risiko enn eit prosjekt til nesten ein milliard. Vi har heller ikkje råd til å bygge ting som kunne vore ‘kjekt å ha’, men som ikkje er strengt naudsynt, som legesenter, ny heimetensestebase, kafe og livssynsnøytralt seremonirom. Det er høgst usikkert om slike tillegg vil føre til effektivitetsgevinstar, heller ikkje på langs sikt.

• Kommunedirektøren får ikkje fullmakt til å gå vidare med samspelsfase med Skanska Norge AS før det er endeleg/rettskraftig avgjort kven som er vinnar av konkurransen.
• Kommunedirektøren skal legge fram ei sak, med tilhøyrande framlegg til budsjettjustering om bygging, kjøp eller leige av eit omsorgsbustadbygg der bebuarane på Hauge Bufellesskap kan flytte inn, seinast i siste heradsstyremøte i 2026. Bygget bør ligge relativt sentral. Eit alternativ kan vere å be Hauge Helselag bygge på Haugatun og leige frå dei. Eit anna alternativ kan vere å dialog med bygging på Rød-tomten, ved sidan av den nye Kiwi-butikken som kjem på Hauge.
• Grunngjeving:
• Osterøy kommune bør ikkje inngå samspelskontrakt før det er endeleg avgjort kven som er vinnar av konkurransen. Dersom det blir ein annan enn Skanska, kan det eksponere kommunen for bortkasta utgifter, og i verste fall erstatningsansvar. Det er viktig å få erstatningsbustader til dei som bur på Hauge Bufellesskap raskt på plass for å unngå forseinkingar, med påfylgjande auke i byggekostnader m.m, når kontrakt vert inngått. Så lenge Hauge Bufellesskap skal rivast eller byggast om, vil dette vere ei investering som er naudsynt, uavhengig av om det er Skanska eller ein annan tilbydar som vert leverandør.