Maskinelt utlese med KI frå Masfjorden sine offentlege møteprotokollar.
Dette er eit uttrekk under utprøving, ikkje ein protokoll: det inneheld
feil, og tal må kontrollerast mot kjelda før dei blir brukte.
Kor sikre tala er
1. Kva må me gjere i vår kommune/fylkeskommune dei neste to åra for å auke endringstakta for berekraftig velferd?
• Fortsetje det gode arbeidet med etablering av omsorgsbustader og omsorgsbustad+ i kommunen, for slik å gje innbyggarane i kommunen moglegheit til å bu sjølvstendig lengst mogleg.
• Fortsette arbeidet med innføring av velferdsteknologi, av same grunn som i punktet over.
• I større grad oppfordra ufaglærte til å ta utdanning, og leggje til rette for dette gjennom ulike ordningar.
• Synkande barnetal og auka tal eldre. Arbeide med ein forventningsavklaring om at tilsette kanskje må bytte arbeidsplass eller sektor dersom behovet endrar seg.
• Tenkje «nytt». Kan ein få tilbake ein tankegang der generasjonsbustad er tilbake, og ein slik kan nytta seg av familien. (eldre bur heime lenger, barn får nærheit til besteforeldre osv osv)
2. Korleis kan me i vår kommune/fylkeskommune dei neste to åra ta i bruk dei arbeidskraftressursane som fins?
• Me blir stadig eldre, noko som gjer at folk flest kan stå i arbeid lenger. Dei som no er i tidleg pensjonsalder er ofte friske og har god kapasitet. Skape gode ordningar som gjer at dei er villige til å stå i arbeid lenger.
• Ta vare på pensjonistane! Dei sit med god kunnskap, mykje erfaring og mange er villige til å bidra vidare – hadde det ikkje vore for elendig pensjonistlønn. I tillegg er det slik at dersom ein er inne å jobbar ekstra som pensjonist, vil dei ikkje få same ordningane og godar som dei fast tilsette.
• Frivillige. I vår kommune er det eit stort frivillig miljø. Kan me organisera oss på ein god måte i samarbeid med frivillige?
• Moglegheit for kommunalt tilsette å ta ekstravakter i andre sektorar. Til dømes vil det kunne vera attraktivt for tilsette på kontor eller i oppvekst å ta ei ekstra helg eller ettermiddagsvakt i helse. Om dette skal fungere må ein lage ei ordning som gjer rett på overtidsbetaling på lik linje med dei som arbeider i helse, utan krav om å ta ut avspassering som betaling.
3. Kva må me prioritere i vår kommune/fylkeskommune for å auke beredskapsevna – både i eigen organisasjon og i lokalsamfunnet?
• Drive aktivt informasjonsarbeid, både for å rusta innbyggarane men og for å trygge dei og oppretthalde tillit.
• Sikre aggregat på butikkane – då kan butikkane vere til dels operative, kjøle- og frysevarer vil kunne bevarast, og samstundes vil butikkane då kunne fungere som møteplass i tilfelle krise og behov for felles informasjon (gjennom til dømes informasjonstavler)
• Inngå eit samarbeid med dei lokale butikkane om at varene deira inngår i kommunen sitt beredskapslager til institusjonar. Slik kan me sikre at institusjonar og brukarar av heimetenesta har gode beredskapslager tilgjengeleg.
• I større grad knytte frivillige lag og organisasjonar opp mot beredskapsarbeidet, gjerne med frivilligkoordinator som knutepunkt.
• Fleire beredskapsøvingar, både lokalt men også i samarbeid med nabokommunar, interkommunale samarbeid og Statsforvaltar.
Utfall: vedteke · Presisjon: samroystes
Ingen partifordeling registrert — sjå råteksten under.